Edi Rama është shfaqur qejfmbetur se komisionerët e Bashkimit Europian kanë organizuar takime virtuale me kryetarin e opozitës, Lulzim Basha dhe skuadrën e tij. Komisionerët kanë shfaqur interes të veçantë për programin e opozitës sapo ajo të marrë pushtetin.
Kjo e ka shqetësuar shumë kreun e Rilindjes, i cili i ka “shplarë” komisionerët europianë, ashtu si di ai, si plakë gërnjare.
Dikush në Bruksel duhet t'u thotë komisionerëve që harxhojnë kohën e punës së paguar nga taksat e popujve të Europës, për të bërë videomuhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE!
— Edi Rama (@ediramaal) March 23, 2021
Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre!
— Edi Rama (@ediramaal) March 23, 2021
