Ndërsa vetë ka pas thënë që nuk shahet Shqipëria jashtë vendit, Kryeministri Edi Rama në një intervistë në televizionin italian Rai Uno, për emisionin “Porta a Porta”, me gazetarin Bruno Vespa, nuk ka lënë gjë nga gjuha e drunjtë për të bërë me faj opozitën dhe kundërshtarët politikë.
Sërish është shfaqur sportiv, veshur me kostum dhe atlete, megjithëse e akuzojnë se bëhet si Maduro që vishet me këmishë me lule të fandaksura.
Rama është shprehur se ajo që shihet sot nuk është një revoltë e popullit dhe ajo që duket në imazhet e protestës janë vetëm një perimetër i vogël i Tiranës. Natyrisht nuk shpjegon që në atë perimetër të vogël përse ka mijëra njerëz, të cilët i bie të mos jenë popull.
Në të njëjtin emision u transmetua dhe një intervistë e kryetarit të opozitës, Lulzim Basha, i cili tha se Shqipëria ka dy probleme të mëdha, që kanë ardhur me Edi Ramën; demokracinë dhe kriminalitetin. Sipas tij, me paratë e drogës, janë blerë, media, gazetarë, policë e pushtet, ndërsa janë publikuar regjistrime, ku zyrtarë të PS-së janë përgjuar me mafiozë për të blerë vota e kërcënuar opozitën në zgjedhjet e 2017.
https://www.youtube.com/watch?v=P3UoNhmjrP4
