Pasditen e kësaj të mërkure, qeveria ka prezantuar planin për modernizimin e administratës publike, duke e vënë theksin tek rritja e rrogave për punonjësit e kësaj kategorie.
Ai ka bërë me dije se, “qeveria ka vendosur që të spostojë nga buxheti i shtetit në atë të familjeve 100 milionë dollarë, për të rritur rroga e pensione”.
Kreu i ekzekutivit tha se paga minimale do të bëhet 375 mijë lekë të vjetra, nga 220 që është aktualisht.
Ai tha gjithashtu se nga kjo rritje e pagave nuk përfiton ai vetë, por as ministrat dhe deputetët, pasi ata që marrin më shumë nuk duhet të fitojnë nga kjo rritje.
Më herët, ministri i Financave Arben Ahmetaj sqaroi se, pagat për administratën do të rriten 7 për qind dhe se fondi për këtë rritje shkon 7.2 miliardë në nivel 12-mujor.
