Kryeministri Edi Rama ka kërkuar që Bashkimi Evropian të mos ia kthejë kurrizin Ballaknit Perëndimor gjatë periudhës së krizës energjitike.
Gjatë fjalës që mbajti në Forumin e Tiranës për Ndërlidhjen Infrastrukturore me vendet e Ballkanit Perëndimor dhe Europës, Rama tha se shpreson që situata e përjetuar gjatë skemës së ndarjes së vaksinave, të mos përsëritet.
Gjithashtu Rama tha më tej se Ballkani Perëndimor është lënë jashtë skemës, por që uron që të mos ndodhë sërish gjatë krizës së energjitikës.
“Duhet të ecim përpara me veprimet të përbashkëta, me shpresë pa përsëritur përgjigjen dramatike gjatë pandemisë ku Ballkani Perënidmor u la tërësisht mënjanë jashtë skemës së shpërndarjes së vaksinave. Kriza energjitike po godet shumë vende të Bashkimit Evropian, në thelb ata që mbahen me gazin. Të gjithë e dimë mirë se Evropa varet nga gazi që nuk prodhohet aty, por që vjen përmes destinacioneve të tjera,”- tha Rama ndër të tjera.
