Në Maqedoninë e Veriut brenda 24 orëve të fundit, janë konfirmuar 21 raste të reja me koronavirus. Kështu, numri i përgjithshëm i të infektuarve në vend rritet në 1442.
Gjatë 24 orëve të fundit, si pasojë e koronavirusit, kanë humbur jetën edhe tre persona.
Ministria e Shëndetësisë në Maqedoni informon gjithashtu se në Institutin për Shëndet Publik janë regjistruar 38 pacientë të shëruar, prej të cilëve 19 janë nga Shkupi, 3 nga Tetova, 9 nga Struga, 4 nga Manastiri dhe 3 nga Gostivari.
Në Klinikën për Sëmundje Infektive ka ndërruar jetë një pacient 50-vjeçar nga Shkupi, ndërsa në Klinikën për Onkologji ka ndërruar jetë një pacient 51-vjeçar nga Prilepi, i cili dje rezultoi pozitiv për virusin.
Prej 21 rasteve të reja, 7 janë regjistruar në Shkup, 6 në Kumanovë, 4 në Prilep, 1 në Tetovë, 1 në Pehçevë, 1 në Dellçevë dhe 1 në Strugë.
