Europa Donna Albania organizoi ditën e sotme aktivitetin e dhurimit të parukeve. “Dhuro flokë! Fal shpresë” ishte fushata e dhurimit të flokëve që u iniciua një vit më parë nga EDA, ku shumë vajza dhuruan flokët për gratë me kancer gjiri të cilat i kanë humbur për shkak të trajtimit me medikamente të forta.
Dhoma “Zen” e cila është dekoruar nga Europa Donna Albania e konceptuar si një dhomë pritje për pacientët, ishte ambient që priti të ftuarit, pacientët dhe stafin mjekësor në aktivitetin e zhvilluar sot në Onkologjik, QSUT.
Paruket iu dhuruan direkt pacienteve dhe familjarëve të tyre. Në luften e tyre të madhe ku dhe pamja luan rol të madh psikologjik, një paruke ua gëzoi jo pak fytyrat e trishta luftarake.
