Një ngjarje e rëndë ka ndodhur në Greqi, ku një i ri shqiptar ka humbur jetën tragjikisht.
Mediat greke raportojnë se 20-vjeçari shqiptar vdiq pasi traktori me të cilin po shkonte për të punuar në një ullishte u përmbys në rrethana të paqarta.
Ngjarja tragjike është regjistruar mesditën e kësaj të diele në Meglatano, Atlanti.
Pronari i ofroi ndihmën e parë shqiptarit, por për fat të keq ai nuk arriti të mbijetojë për shkak të plagëve të marra.
Ai lajmëroi autoritetet greke, por kur ato mbërritën ai kishte ndërruar jetë.
I riu shqiptar u dërgua në morg, ku do t’i nënshtrohet autopsisë për të përcaktuar shkaqet dhe rrethanat e vdekjes së tij.
Policia greke ka nisur hetimet për zbardhjen plotë të ngjarjes tragjike, ndërkohë identiteti i të riut shqiptar nuk është bërë i ditur nga mediat helene.
