Detaje të reja janë mësuar për Lear Kurtin, 32-vjeçari i cili ndërroi jetë në duart e policisë pas shoqërimit në komisariatin e Policisë nr.3 në Tiranë. Shkaku i vdekjes së të riut është ende i paqartë, teksa historia e jetës së Learit është tejet e trishtë.
Në dëshminë që ka dhënë për TCH, babai i Lear Kurtit, Artur Kurti ka treguar se nuk është babai biologjik i tij, por adoptues. Arturi ka thënë se e ka marrë të riun kur ishte 2 vjeç nga shtëpia e Fëmijës për ta rritur bashkë me të shoqen ndërsa sot e kërkon nëpër dyert e morgut për t’i parë trupin.
Arturi thotë se nuk i është dhënë mundësia as të shohë trupin e djalit dhe nuk i është bërë asnjë shpjegim nga autoritetet. Babai deklaroi se AMP (Ish-Shërbimi për çështjet e Brendshme dhe Ankesat) e ka referuar për më vonë dhënien e informacionit ndërsa shton se djali nuk ka qenë një person i rrezikshëm.
