Ushtria ruse po tregohet e pamëshirshme ndaj civilëve ukrainas dhe po i torturon ata. Mediat e huaja bëjnë me dije se, forcat ruse kanë granatuar një tank me acid nitrik. Prandaj iu bëhet thirrje banorëve të mbyllin dritaret dhe dyert dhe të mos largohen nga ambientet, tha kreu i Administratës Ushtarake Rajonale të Luhansk, Serhiy Haidai. “Në Rubizhne, orkët goditën një rezervuar me acid nitrik! Urgjente! Mos dilni nga strehimoret! Nëse jeni brenda, mbyllni dyert dhe dritaret!” Ka shkruar Haidai në Facebook.
Ai theksoi se avujt e acidit irritojnë rrugët e frymëmarrjes. Për t’u mbrojtur nga avujt dhe mjegulla e acidit nitrik, përdoren maska me gaz. “Përgatitni maska mbrojtëse për fytyrën të njomur me sode! Kur aplikohet lokalisht në sy, acidi nitrik shkakton dëme të rënda, në nekrozë të kornesë dhe konjuktivës, duke çuar në humbjen e shikimit,” tha ai.
Ndërkohë kujtojmë se OKB deklaroi ditën e djeshme se Rusia po kryen krime lufte ne Ukrainë dhe kjo duhet të ndalet.
