Në bazë të një studimi të ri të kryer nga një ekip kërkimor spanjoll, rezulton se ka një ulje të vdekshmërisë në pacientët e infektuar me Covid-19 që ishin trajtuar me kalcifediol, metaboliti kryesor i vitaminës D3.
Bazuar në një total prej 930 pacientësh të pranuar në njësitë Covid të Spitalit del Mar në Barcelonë midis 1 marsit dhe 31 majit 2020, trajtimi me kalciferol uli nevojën për kujdes intensiv me më shumë se 80%.
Analiza statistikore tregoi se nga 551 pacientë që u trajtuan me kalcifediol, 36 prej tyre vdiqën, ndërsa nga 379 pacientët që nuk morën trajtimin me këtë vitaminë, numri i të vdekurve ishte 57.
Kjo tregoi se për nivelet e vitaminës D, moshën, seksin dhe sëmundjet shoqëruese trajtimi uli vdekshmërinë me më shumë se 60%.
Autorët e studimit shprehen se rezultatet e këtij studimi tregojnë rëndësinë e një përcaktimi adekuat të vitaminës D në kontekstin e infeksionit të koronavirusit Sars-Cov-2.
Mungesa është e shpeshtë, por lehtësisht e korrigjueshme, megjithëse nevojiten studime të mëtejshme për të sqaruar efektet e niveleve të qarkullimit të vitaminës D dhe D3 në ashpërsinë e sëmundjes tek njerëzit me gjendje të ndryshme bazë të vitaminës D.
