Nëna e vajzës së rrëmbyer paditen e sotme në Tiranë në një prononcim për Report Tv tregon si iu rrëmbye vajza në sy të motrës më të vogël.
Sipas saj, vajza sapo kishte zbritur nga furgoni i shkollës rreth orës 15:15 dhe po hynte në pallat kur një prej autorëve i maskuar i është afruar duke i vendosur diçka në gojë për të humbur ndenjat dhe e ka futur me forcë në makinë duke e rrëmbyer.
E përlotur, nëna shprehet se vajza tashmë duhet të ishte në shtëpi për të marrë mjekimin, pasi është me diabet.
Pjesë nga prononcimi i nënës:
-Zonja Dori çfarë ka ndodhur?
Nga çfarë më ka raportuar vajza e vogël, kur ka zbritur nga furgoni rreth orës 15:15 ka qenë duke u kthyer, kur i ka lënë furgoni para pallatit, dikush i është afruar dhe i ka vënë diçka te goja për të humbur ndjenjat dhe e ka marrë dhe e ka futur në makinë.
-Keni pasur konflikte më parë?
Absolutisht! Është për ne është gjendje shoku. Nuk kemi pasur asnjë konflikt.
-Vajza juaj ka edhe probleme shëndetin…
Është me diabet dhe mjekohet me insulinë dhe tani që flasim duhet të bënte insulinën.
-Çfarë informacioni keni?
Asnjë lloj informacioni. Më thonë se janë në kërkim, por….
-Si quhet ilaçi që mjekohet vajza juaj?
Insulinë abitra dhe lancus merr në darkë, njëherë në 24 orë. Vajza është me diabet tipi 1 mjekohet me insulinë, duhet të ushqehet dhe duhet të bëjë insulinën. Tani duhet të pijë insulinë apidra, dhe insulinë lantus merr në darkë që e ka një herë në 24 orë.
