44 trupa të vdekur janë gjetur në një pus në shtetin, Jalisco shumë pranë qytetit Guadalajara.
BBC raporton se trupat e viktimave ishin fshehur në 119 çanta të zeza, të prerë në pjesë.
Ekspertët mjekoligjorë në Meksikë bëjnë me dije se autoritetet duhej të bashkonin pjesë të ndryshme për t’i identifikuar. Për pasojë shumë trupa ende mbeten të paidentifikuar.
Mbetjet u zbuluan në fillim të shtatorit, kur banorët e zonës filluan të ankoheshin për erën.
Një organizatë lokale që kërkon njerëz të zhdukur ka bërë thirrje qeverisë të dërgojë më shumë specialistë për të ndihmuar në identifikimin pasi sipas tyre mjekësia ligjore nuk ka aftësitë e nevojshme për të përfunduar operacionin.
