Një ngjarje e rëndë është shënuar mëngjesin e sotëm në Kukës. Burime bëjnë me dije se një 82- vjeçar ka humbur jetën, pasi godina ku ai jetonte është përfshirë nga flakët. Policia bën me dije se ngjarja ka ndodhur rreth orës 02:40, në afërsi të liqenit të Kukësit
Flakët e zjarrit kanë përfshirë godinën e për pasojë ka humbur jetën i moshuari i identifikuar me iniciale Sh. K., 82 vjeç. Nga veprimet e para hetimore dyshohet se zjarri ka rënë si pasojë e lënies ndezur gjatë natës e sobës me dru zjarri.
Nuk dihet ende nëse i moshuari jetonte vetëm apo me familjarët, ndërsa këta të fundit pritet të merren në pyetje lidhur me ngjarjen. Grupi hetimor ndodhet në vendngjarje dhe nën drejtimin e Prokurorisë po kryen të gjitha veprimet procedurale për sqarimin e plotë të rrethanave të ngjarjes.
