Një ngjarje e rëndë është shënuar pasditen e sotme në fshatin Carrabeg të komunës së Deçanit.
Raportohet se një 27-vjeçar është gjetur pa shenja jete. Lajmin e ka konfirmuar zëdhënësi i Policisë, Fadil Gashi, i cili njoftoi se viktima është gjetur nga familjarët e tij.
Sipas Gashit, në vendin e ngjarjes kanë dalë të gjitha njësitet relevante dhe më pas mjekët e kanë konstatuar vdekjen e viktimës. Rasti është iniciuar si “Hetim i vdekjes”, ndërsa trupi i pajetë është dërguar për obduksion në Institutin e Mjekësisë Ligjore.
Dëshmitarët të kësaj ngjarjeje të rëndë kanë qenë familjarët, të cilët do të merren në pyetje nga policia për hetime të mëtejshme të rastit.
