Një ngjare e rëndë ka ndodhur ditën e sotme në Itali. Mediat e huaja bëjnë me dije se, një djalë 6-vjeçar ka pirë aksidentalisht ujë me zbardhues dhe nëna në panik është hedhur nga dritarja e shtëpisë së tyre, në katin e tretë të një pallati në zonën e Brindisit.
Sipas të dhënave nënë dhe birë ndodhen të shtruar në spitalin Antonio Perrino. Fatmirësisht gruaja nuk ka pësuar lëndime të rënda, ndërsa djali i saj është nën vëzhgim për djegie në gojë, por edhe ai jashtë rrezikut për jetën. Fillimisht u supozua se ishte gruaja që i kishte dhënë ilaçin fëmijës.
Kanë qenë disa kalimtarë që kanë thirrur për ndihmë dhe falë mbërritjes së ambulancës në kohë ata arritën të shpëtonin.
