Një ngjarje e rëndë ka ndodhur me një 15-vjeçare nga Shqipëria, Ersi Shabanaj ka ndërruar jetë në Shtetet e Bashkuara të Amerikës. E mitura, kishte shkuar me familjen në janar, në Amerikë, por vetëm pak muaj më vonë, ajo është përplasur nga një automjet dhe ka ndërruar jetë.
Mediat në Amerikë raportojnë se Ersi Shabanaj, ka qenë duke kaluar rrugën, kur është përplasur nga një automjet, e fatkeqësisht ka ndërruar jetë në spital. Familjarët tashmë janë organizuar për të mbledhur para që trupi i saj të vijë në Shqipëri.
Ata kërkojnë ndihmën e të gjithëve, por deri më tani kanë mbledhur 11,285 nga 25,000 dollarë që duhen për të kthyer në atdhe trupin e të miturës.
