Ish-kryeministri, Sali Berisha i ka kthyer përgjigje kryeministrit, Edi Rama lidhur me termin që ai përdor ndaj tij duke e cilësuar si “të vdekur”. Në një intervistë për mediat, Berisha tha se ai do ta nisë politikisht kundërshtarin e tij politik atje ku e meriton. Ndërsa shtoi se këtë e ka një zotim publik, duke nënkuptuar se do ta rrëzojë nga pushteti.
“Kur njeriu futet në një spirale të tillë do të thotë se ai jeton me lugetër me fantazma dhe është afër finales së tij politike, ditëve të fundit të tij në politikë. Unë nuk flas për jetëgjatësi biologjike, por ai lajmëroi në Kongresin e tij hyrjen në një spiral të tmerrshëm politik për të. Dy qenë momentet, e para mohimi i opozitës, që është përpjekja e një njeriu të tmerruar për të shpëtuar nga makthet që i krijojnë opozita e vërtetë atij dhe rikthimi i njeriut që ka të gjithë trashëgiminë, të gjithë potencialin për ta nxjerrë atë nga skena politike. Sali Berisha është i vetmi person në politikën shqiptare që e ka mundur 3 herë Edi Ramën” – tha Berisha.
