Ka ardhur një tjetër reagim nga opozita për sulmin e ndodhur ndaj ish-kryeministrit Sali Berisha sot në protestë. Bëhet fjalë për deputeten e Partisë Demokratike Jorida Tabaku. Kjo e fundit dënon aktin e rëndë duke thënë se gjuha e dhunës dhe urrejtjes nuk duhet të ketë vend në politikë.
Reagimi:
Gjuha e dhunës, urrejtjes nuk duhet të kete vend më politikë! Goditja ndaj Sali Berishës është një akt i shëmtuar dhe i papranueshëm! Ne mund të kemi mendime te ndryshme, mund të veprojmë ndryshe në politikë por dhuna është e patolerueshme.
Shprehjet e dhunës fizike dhe verbale, nuk duhet të kenë vend në shoqërinë tonë! Politika duhet të largohet nga kultura e dhunës, goditjes së kundërshtarit dhe t’i hapë rrugë argumentit, debatit mbi idetë dhe bindjet. Sa të kem mundësi e fuqi do të promovoj këte model ne politike.
