Policia ka shpallur në kërkim një person që dyshohet se e nxorri në pritë Vilson Tafçiun mbrëmjen e djeshme, i cili më pas u vra me tre plumba në gjoks.
Burime bëjnë me dije se i shpallur në kërkim është një i njohur i Taffciut me inicialet N.D, i cili e nxorri nga lokali mbrëmjen e djeshme.
Policia e ka identifikuar atë përmes dëshmive të personave që ndodheshin në lokal duke shkuar më pas në banesë për të marrë dëshminë e tij.
N.D nuk është gjendur në banesë dhe nuk ka gjurmë të tijat duke bërë që policia ta shpallë në kërkim.
