Mos u trembni se nuk është ashtu siç duket…
Çdo të enjte këta burrat e Kuvendit të Shqipërisë lëshohen me sulme e të shara mes njëri-tjetrit. Thua se në çast do të plasë grushti e do të bëhët kiameti i zi në sallën e Kuvendit. Por nuk është ashtu siç duket. E bëjnë për të na treguar ne popullit se sa me zjarr i mbrojnë “interesat tona”. Atje jashtë kamerave i kap “një dashni e modhe” në kafe, në rrugë, nëpër darka e dreka e kudo.
Ja për shembull kjo fotografi e kryetarëve të grupeve parlamentare të dy partive kundërshtare PS e PD. Gramnoz Ruçi e Edi Paloka i bëjnë vënd njëri-tjetrin në çadër për të mos u lagur nga shiu. Do thoni ju është normale se njerëz janë… po pra, ndaj po themi nuk është ashtu siç duket as Parlamenti… Ja k’shu si dje, kur Edi Rama iu bashkua kafes plot shije të deputetëve të PD-së Luçiano Boçi, Asllan Dogjani e Bedri Mihaj pasi kishin bërë një sherr shembullor në sallën e Kuvendit. Luçiano na sqaroi që nuk ishte vërtetë ashtu siç dukej se Rama i ishte lutur t’i bëjnë një b… vend dhe e kishin pranuar… ja kaq…
Tashti kthehemi te kjo fotografia e Ruçit e Palokës që i ka kushtuar disa vargje “drithëruese” Kujtim Cekani:
Dy pika shiu bien mbi Tokë
Me vrap një Çadër ne vëmë mbi Kokë
Do flasim do zihemi do mbajmë fjalime
Po prapë do hyjmë poshtë Çadrës Time
Do grindemi do shahemi
S’do të të mbahemi për hatër
Mjafton të dy të dalim pa u lagur
Një herë do e mbaj unë
Një herë mbaje ti
E kujt i krisi se bie Shi…
