Pas ankesës së bërë nga “Qëndresa Qytetare”, KQZ ka marrë sot vendimin për hetimet e kryera rreth zgjedhjeve të 6 marsit. Nga hetimet KQZ ka konstatuarat se kryebashkiakia e Durrësit, Emiriana Sako, në bashkëpunim me drejtorin e shkollës “Armath” kanë ndikuar në deformimin e procesit zgjedhor. Për këtë arsyes ndaj Sakos është vendosur një gjobë prej 1 milionë lekësh dhe ndaj drejtorit të shkollës një gjobë prej 500 mijë lekësh të vjetra
“Komisioneri shpalli edhe vendimin për shqyrtimin administrativ të denoncimit të “Organizatës Qëndresa Qytetare”, për shkelje të parashikuar në vendimin nr. 9, datë 24.12.2020 të Komisionit Rregullator në Komisionin Qendror të Zgjedhjeve, ndaj Drejtorit të Shkollës 9-Vjeçare “Armath” dhe kandidatit për kryetar bashkie në bashkinë Durrës zj. Emiriana Sako, propozuar nga subjekti zgjedhor “Partia Socialiste e Shqipërisë”.
Komisioneri vendosi sanksionin administrativ me gjobë ndaj Drejtorit të Shkollës 9-Vjeçare “Armath” z. Vlash Doda në shumën 5. 000 (pesë mijë) lekë dhe sanksionin administrativ me gjobë ndaj kandidatit për kryetar bashkie në bashkinë Durrës, të propozuar nga subjekti zgjedhor “Partia Socialiste e Shqipërisë”, zj. Emiriana Sako në shumën 100. 000 (njëqind mijë) lekë”, thuhet në njoftim.
Sakaq, Qëndresa Qytetare shpreh vlerësimin për vendimin e marrë nga Komisioneri Shtetëror i Zgjedhjeve dhe kërkon që hetimet të vazhdojnë për shkelje të tjera.
