Një aksident i rëndë është shënuar pasditen e sotme në Kavajë. Burime nga policia bëjnë me dije se ngjarja ka ndodhur në aksin rrugor Harizaj-Spille.
Një 38- vjeçar ka përplasur me makinë një 12- vjeçar, i cili ndodhet në spital, nën kujdesin e mjekëve.
Shoferi i mjetit, 38- vjeçari me iniciale B.B., është arrestuar nga policia dhe pritet të përballet me akuzën për këtë vepër penale.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit.
27.al raporton se bilanci i aksidenteve tragjike vijon të rritet, ndërsa shkak është bërë mosrespektimi i rregullave të qarkullimit rrugor dhe manovrat e shpejtësisë.
