Një aksident i rëndë ka ndodhur në Sarandë pak minuta më parë. Ngjarja ka ndodhur në Qafë-Gjashtë, ku mësohet se një automjet është përplasur me një motor. Si pasojë e aksidentit ka mbetur i plagosur rëndë drejtuesi i motorit, Fatri Laka, 30-vjeç.
I plagosuri është nisur me ambulancë drejt spitalit, ndërsa forca të shumta policie janë mbledhur në vendngjarje për të zbuluar shkakun e aksidentit. Nuk dihen ende shkaqet e këtij aksidenti, por dyshimet e para të policisë janë parakalimi i gabuar dhe shpejtësi tej normave të lejuara.
