Deputeti demokrat Ervin Salianji ka bërë një deklaratë të fortë në Kuvend, duke dhënë një tjetër version për fatin e të shumëkërkuarit Ervis Martinaj, që rezulton i zhdukur që prej gushtit.
Salianji deklaroi në Kuvend se në radhët e Policisë së Shtetit qarkullon një informacion se 5 minuta para se të bëhej kontrolli në hotel, i është dërguar mesazh Martianjt që të largohej.
“Nxirrni policët për t’i mbajtur kot. Ku e keni sot Sulen Çelën, Fatos Goga, Kamer Mehja. Po e them këtu atë që qarkullon në zë në radhët e policisë së shtetit, Ervis Martinaj nuk jepni dot përgjigje sot çfarë bëhet është gjallë a vdekur. Pesë minuta para se të shkonte në hotel policia e shtetit e keni lajmëruar për t’u larguar se keni pasur tjetër plan. Alban Bengasi, Abedin Mama. Ervin Merlika. Vetëm një operacion i ke këta. Ish drejtoi i policisë thotë që më ka rrjedhur informacioni. Ju e keni hequr vetëm se ka pasur lidhje me SHBA. Ja ku i ke vrasjet më të rënda. Nuk e keni hequr për objektiv ju atë. Se çfarë objektivi do plotësoj ai kur ke të njëjtët drejtorë”, u shpreh Salianji.
