Gjatë vizitës së kryedemokratit, Lulzim Basha në Shkodër, përveç qytetarëve ai është takuar dhe me disa përfaqësues të artit, mjekësisë dhe sportit në këtë qytet.
Një ndër to ishte aktori Zef Deda i cili kërkojë nga Basha dhe ekipi i tij që të punojnë fort dhe të na fusin në Evropë.
Zef Deda: Me ta prirë zoti mbarë të dhe ekipi tënd të zgjedhur nga Korça, Shkodra e në Gjirokastër me më të mirët e zgjedhur, që duhet të punojmë dhe të realizojmë të gjithë këto që premtuat se kështu e do Shqipëria për tu futur në Evropë. Të plotësoni 15 kushtet siç e do Evropa, jo siç do Azia e Kina se me këto nuk futemi kurrë. Përveç NATO-s dhe heqjes së vizave na fusni edhe në Evropë.
Lulzim Basha: Lezha do të ketë drejtorinë e vet, Shkodra të vetën. Një nga politikat tona është decentralizimi, do i sjellim këto shërbime pranë njerëzve. Shkodra do të ketë të veten, Lezha të veten, Kukësi dhe Dibra të veten. Nuk ka pse të jenë të gjitha institucionet në Tiranë, disa të caktuara vendosen në disa qytete të vendit, që në mënyrë që energjia, fluksi, që kanë institucionet të shpërndahen në disa qytete. Pasha zotin nuk kanë të bëjnë arti dhe kultura e Shkodrës me humorin bajat të Edi Ramës. Jemi më të fortë kur mbijetojmë me një qeveri kaq të keqe që persekuton sipërmarrësin, do të thotë që jemi më të aftë, më të përgatitur. Duhet një qeveri që mendon për njerëzit dhe do punojë për njerëzit. Programi ynë për artin dhe kulturën, do ta shpalosim aty ku ka qenë dhe dot ë ringrihet. Është një program i hartuar nga profesionistë të fushës, do të kërkojë mjete financiare por do i lihet në dorë artistëve dhe jo politikanëve. Ishte kjo qasje e një politikani që erdhi nga fusha e artit, shkatërroi teatrin, artin dhe kulturën që na solli në këtë ditë.
Zef Deda: E duam Shqipërinë si gjithë Evropa.
Lulzim Basha: Ky është misioni im.
