Një 19-vjeçar është vënë në pranga në Mallakastër, pasi ishte shpallur në kërkim nën dyshimet se kreu marrëdhënie seksuale pa dëshirë me një të mitur 15 vjeç.
Sipas njoftimit të policisë, 19-vjeçari dyshohet se në qershor të vitit 2021, ka kryer marrëdhënie seksuale me të miturën pa dëshirën e saj.
Për 19-vjeçarin është dhënë masa e sigurisë “arrest në burg”, në akuzën për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç”. Materialet procedurale i kaluan Prokurorisë, për veprime të mëtejshme.
