Juventusi ka arritur të marrë një fitore spektakolare, 2-4 në transfertën ndaj Genoas.
Gjithçka filloi me një surprizë që në minutën e parë të ndeshjes, kur Pjaniç devijoi në portën e tij një harkim në qendër të Pjaniç. Ishte sekonda e 17 e ndeshjes, një rekord për golin më të shpejtë të pësuar nga Juventus në Serinë A. Pak minuta më vonë erdhi edhe goditja e dytë, kur gjyqtari dha 11-metërsh falë VAR dhe Galabinov dyfishoi shifrat nga pika e bardhë.
Nga ai moment fillon përmbysja për Juventusin, që shkurtoi distancën me Dybala dhe gjeti barazimin po me argjentinasin në shtesën e pjesës së parë falë një tjetër penalltie.
Goli i Kuadrados në minutën e 62-të kaloi në avantazh për herë të parë kampionët në fuqi të Italisë në këtë ndeshje, ku rezultati përfundimtar 4-2 u vulos me golin në shtesën e takimit nga Dybala, i cili plotësoi tregolëshin personal.
