Ministri i Brendshëm, Sandër Lleshaj ka reaguar pas krimeve që kanë goditur vendin përgjatë tre ditëve të fundit.
Lleshaj tha se arma kundër krimit është struktura policisë së shtetit, duke theksuar se duhen ndaluar sulmet ndaj saj. Gjithashtu ai u shpreh se sa herë ka krime qarqe të ndryshme politike ngrenë gishtin ndaj policisë, duke bërë atë përgjegjëse.
“Policia është arma jonë në luftën kundër krimit. Nuk mund t’i lejojmë sulmet ndaj saj nga segmente të shkëputura ndonjëherë edhe politik. Krimi është një fenomen social. Policia nuk gjeneron krimin por e lufton atë. Sa herë ka krime, edhe si krimet e fundit të shëmtuar si dy ditët e fundit në Elbasan në Tiranë na kërkohet të rreshtohemi me policinë dhe jo të ngremë gishtin kundër saj. Policia simbolizon një interes publik”, tha Lleshaj.
