Qytetarët e Fierit kanë protestuar ditën e sotme për ndërtimin e impiantit të përpunimit të mbetjeve, të cilët kanë kërkuar takim me kryebashkiakun Subashi, por nuk janë pritur nga ky i fundit.
Banorët thonë se nuk do lejojnë kurrësesi ndërtimin e landfillit në zonën ku ata jetojnë.
Ndërkohë, pas protestës për impiantin e mbetjeve, kanë qenë banorë të Peshtanit që kanë kërkuar nga bashkia ndërhyrje për rrugën pothuajse të pakalueshme që lidh fshatin me aksin Fier-Vlorë.
“Rruga na është bërë gangrenë. Kemi vite e vite që e kërkojmë.Na është premtuar se do të bëhej në shtator 2016, iku nuk u bë. Na u premtua para një muaji, prapë s’u bë”, thanë banorët.
Banorët e Verrisë dhe të Peshtanit kanë paralajmëruar bojkot të zgjedhjeve nëse bashkia e Fierit nuk u jep një zgjidhje.
