Gazetarja Besarta Demushi është dhunuar nga dy burra në Tiranë. Dy persona me inicialet T. N., 62 vjeç dhe A. Z., 50 vjeç në Tiranë kanë rrahur gazetaren, e cila punon në televizionin Fax News.
Mësohet se ajo ka qenë duke filmuar në rrugën “Hoxha Tahsim” një objekt për të cilin dy dhunuesit kishin konflikt pronësie me një person të tretë.
Por, siç duket, ata janë ‘bezdisur’ nga filmimet dhe kanë ushtruar dhunë ndaj gazetares. Sot, në njoftimin zyrtar, policia e Tiranës bënte me dije se e vetmja masë që është ndërmarrë ndaj dy burrave është ‘procedimi penal’.
