Dy aksidente rrugore janë regjistruar mëngjesin e sotëm, ku si pasojë kanë mbetur të plagosur gjashtë persona.
Në një aksident të ndodhur tek “Kryqëzimi i Budullës”, në Fushë-Krujë, janë plagosur tre persona. Sipas policisë, shkak i aksidentit ishte shpejtësia e lartë e lëvizjes së mjetit.
Ndërkaq, tre persona të tjerë janë plagosur paraditen e sotme, si pasojë e një aksidenti në aksin rrugor Lezhë-Milot. Burime nga policia bëjnë të ditur se dy automjete janë përplasur dhe për pasojë kanë mbetur të plagosur tre shtetasit që udhëtonin me to.
Në spitalin e Lezhës u dërguan dy të aksientuarit, një grua dhe një djalë 17 vjeç, nga Kosova. Ndërsa, njëri prej të plagosurve ishte bllokuar në mjet, dhe pasi është nxjerrë nga makina është dërguar me urgjencë në spital.
Momentalisht mbeten ende të paqarta shkaqet e aksidentit, ndërsa policia ka mbërritur në vendin e ngjarjes.
