Gjatë mbrëmjes së djeshme makinës së efektives së policisë në Durrës, Ornela Burakut, i hodhën makinën në erë. Deri tani policia ka shoqëruar në komisariat 10 persona, për t’u marrë në pyetje,
Pas dëshmisë së Burakut e cila ka thënë se nuk ka konflikte familjare dhe as personale me askënd, policia dyshon se tritoli në banesë iu vu për shkak të detyrës. Buraku është në krye të detyrës prej 16 vitesh.
Shpërthimi ka ndodhur në zonën e ish-Kënetës. Mësohet se ka patur vetëm dëme materiale dhe është dëmtuar makina tip ‘Audi’ që është në pronësi të Burakut.
Efektivja më herët ka deklaruar se në fillimet e saj në këtë profesion ka qenë e paragjykuar por nuk hoqi dorë nga ky profesion i vështirë. Kur filloi të ushtronte detyrën shihej çuditshëm në rrugë, shkruan newsbomb. Edhe pse po komentohej shumë zgjedhja që bëri, ajo nuk hoqi dorë nga pasioni për këtë profesion dhe ëndrra për ta vazhduar më tej.
Pas 16 vitesh në këtë profesion banesës së saj i vihet eksploziv. Hetimet vijojnë por ende nuk ka asnjë autor të identifikuar. Pista kryesore e hetimit për këtë ngjarje sipas autoriteteve lidhet me ushtrimin e detyrës.
