Partia Demokratike ka vijuar edhe sot akuzat ndaj kryeministrit Edi Rama. Në një dalje për mediat nga selia blu, sekretarja për Marrëdhëniet me Publikun në PD, Grida Duma tha se Rama mori në mbrojtje vëllain e Fatmir Xhafës, i cili është një trafikant ndërkombëtar droge.
Po ashtu PD akuzon Rama se sulmon drejtësinë italiane duke mbrotjur Agron Xhafa, vëllai i Fatmir Xhafës.
Deklaratë e Sekretares së Marrdhënieve me Publikun, Grida Duma
Edi Rama mori në mbrojte Agron Xhafajn, një trafikant ndërkombëtar droge, të provuar për aktivitetin e tij nga drejtësia e Venezuelës, madje nga Gjykata e Lartë e saj vendimin e të cilës ka cituar dhe shpërndarë dje Partia Demokratike.
Në këtë vendim, që përshkruan aktivitetin e Agron Xhafajt, në shpërndarjen e drogës në Itali, e në vecanti në zonën e Bolonjas, Gjykata e Lartë e Venezuelës thotë se është provuar roli i tij në këtë bandë ndërkombëtare të trafikut të drogës.
Por Edi Rama, sulmon me tërbim Gjykatën e Lartë të Venezuelës, sulmon drejtësinë italiane, sulmon opozitën dhe merr në mbrojtje narkotrafikantin ndërkombëtar, Agron Xhafa, vëllai i Fatmir Xhafës.
Pse duhet që vëllai i një trafikanti ndërkombëtar droge, me kërkesë ekstradimi për të nga Venezuela të caktohet nga Edi Rama kryetar i reformës në drejtësi?, është pyetja që bën cdo qytetar.
“Ku është problemi këtu”, thotë Edi Rama.
Nuk është hera e parë që Edi Rama merr në mbrojtje trafikantët dhe krimet e tyre.
A nuk beri të njëjtën gjë me Rroshin që e mban akoma në krye të Kavajës. Me Prengën që e mban akoma deputet. Me Bushin që e promovoi në krye të Krujës. Me Ndokën që e ka bërë te plotfuqishëm në Lezhë. Me Frrokët të cilëve ju fshehu edhe kërkesën për ekstradim, dhe i la të arratisen, me Balilin e Shullazin të cilëve u ka vënë policinë e strukturat shtetërore në shërbim të tyre. Ka ofruar lehtësi, deri në rrugë të hapura për arratisje.
Sepse në të vërtetë, trafikantët e drogës për Edi Ramën janë njerëzit e duhur.
Trafikantët e drogës i blenë atij foton me Obamën.
Trafikantët e drogës bënë fushatë me Edi Ramën dhe e sollën në pushtet. Prandaj Edi Rama ndan pushtetin me trafikantët e drogës.
I ka bërë deputetë, kryetarë bashkish, dhe drejtues të rëndësishëm. Sepse trafikantët janë modeli i tij.
Trafikantët e drogës kanë zaptuar territorin e vendit dhe shfrytëzojnë tokën dhe njerëzit për biznesin e tyre kriminal të miliona eurove.
Trafikantët e drogës janë njerëzit e duhur për Edi Ramën, se japin 30 përqind për cdo rrenjë kanabis.
Shqiptarët nuk mendojnë si Edi Rama.
Shqiptarët mendojnë se droga dhe trafikantët janë e zeza e vendit, që po i marrin frymën ekonomisë së ndershme që duhet të konkurojë me ekonominë e drogës. Shëiptarët e shohin se droga dhe narkotrafikantët po rrënojnë bujqësinë teksa marrin tokat dhe burimet ujore. Po shkatërrojnë sigurinë e po sjellin cikël krimesh të përditshme, sepse policia ruan kanabisin e tyre dhe ka braktisur detyrën. Trafikantët në bashkëpunim me Edi Ramën po ngrenë perandori financiare mbi mjerimin e fshatarëve që shfrytëzohen me 10 mijë ose 20 mijë lekë në ditë, dhe në kirruz të biznesit të ndershëm dhe punës së ndershme.
Shqiptarët dhe Partia Demokratike do ta shkulin nga rrënjët këtë te keqe. Ata e kanë marrë vendimin dhe presin me padurim ta shpallin.
Shqipëria më mirë pa Edi Ramën.
