Një tjetër ngjarje e rëndë ka ndodhur ditën e sotme ku një person ka qëlluar me armë në drejtim të vëllait dhe kunatës së tij duke i plagosur.
Ngjarja ka ndodhur në fshatin Ndërlysaj të Dukagjinit, në Shkodër, ku shtetasi Lekë Ballza, 50 vjeç pas një konflikti të çastit ka plagosur me armë zjarri vëllanë, shtetasin me iniciale K.B 48 vjeç dhe kunatën, shtetasen me iniciale D.B, 41 vjeçe .
Për shkak të terrenit të thyer malor të plagosurit janë transportuar për në Spitalin Rajonal me helikopter.
Sipas banorëve të zonës autori vuante nga probleme mendore.
Nga të dhënat paraprake nga vendngjarja bëhet fjalë për një konflikt për motive të dobta brenda familjes. Po punohet për lokalizimin dhe kapjen e autorit.
