Artistja me origjinë shqiptare, Dua Lipa i ka njoftuar fansat se ajo do të mbajë një koncert virtual me titull “Studio 2054”, i cili do të transmetohet live më 27 nëntor të këtij viti.
Dua do të interpretojë live në këtë kohë kur koncertet fizike janë pezulluar anembanë botës, si pasojë e koronavirusit.
“Studio 2054” do të jetë një mbrëmje e mbushur me muzikë, performanca, aktrim, vallëzim dhe shumëçka tjetër. Të gjitha këto të bashkuara në një përvojë multi-dimensionale të drejtpërdrejtë.
Gjatë performancave ajo po ashtu do të shoqërohet nga disa muzikant, balerinë, akrobat të ndryshëm, dhe mysafirë special identiteti i së cilëve po mbahet i fshehtë.
