Drejtori i Spitalit të Kavajës përgënjeshtron lajmin: Jam ende në krye të detyrës

Pas qarkullimit të lajmit se drejtori i Spitalit të Kavajës, Përparim Daiu kishte dhënë dorëheqjen, ai ka përgënjeshtruar lajmin.
Daiu shprehet se vazhdon të jetë në krye të detyrës, dhe të gjitha lajmet që qarkullojnë janë të pavërteta.
“Nuk është e vërtetë, jam ende në krye të detyrës”, deklaron Daiu
Ai ka mohuar edhe që Spitali i Kavajës të mund të përdoret si karantinë, pasi nuk ka asnjë urdhër të tillë.
Daiu gjithashtu ka folur edhe për çeshtjen e Spitalit të Kavajës që mund të përdoret si karantinë.
“Nuk kemi marrë asnjë urdhër për vendosjen e karantinës në spitalin tonë. Nuk ka vend për panik për aq kohë sa asgjë nuk është vendosur.” u shpreh ai.
Daiu ka pranuar së në spitalin e Kavajës janë kryer disa punime, si lyerje fasade dhe vendosje dushesh por kjo ishte e parashikuar shumë më herët, përpara se diskutimet për karantinën.