Drejtori i Policisë së Shtetit, Ardi Veliu ka firmosur sot shkarkimin e disa Drejtorëve të Komisariateve në rang. Deri më tani bëhet me dije se këto ndryshime kanë ndodhur në Komisariatin e Lushnjes, Fierit, Sarandës, Elbasanit, Shkodrës, Peqinit, Përmetit dhe Durrësit.
Mësohet se në Durrës është shkarkuar Alfred Çepe i cili e mbante këtë detyrë që prej vitit 2017 dhe në vend të tij është emëruar Ylli Doda.
Syrja Bellaj është emëruar ditën e djeshme në krye të Komisaritatit të Sarandës. Bellaj, vjen në këtë detyrë nga karrierë e mëparshme në Drejtorinë e Policisë së Qarkut Vlorë si ekspert i kriminalistikës. Ai zëvendëson në këtë detyrë Ilirjan Demaj, i cili drejtoi blutë e Sarandës për një periudhë prej 16 muajsh.
Ndëkohë në Shkodër që prej të hënës është shkarkuar Vasil Çela dhe është emëruar Lorenc Meta.
NJOFTIMI I PLOTË:
Me qëllim dhënien e një impulsi të ri punës së Policisë në parandalimin dhe goditjen e krimit, si dhe me qëllim promovimin e punonjësve të shpallur fitues në procesin e ngritjes në gradë, Drejtori i Përgjithshëm i Policisë së Shtetit ka firmosur një sërë ndryshimesh në radhët e Shefave të Komisariateve në rrethe dhe konkretisht:
Kryekomisar Edmond Meshini deri tani Shef i Seksionit të Patrullës se Përgjithshme në Komisariatin e Policisë nr 1 Tiranë, transferohet dhe emërohet Shef i Komisariatit Nr.3 Tiranë;
Kryekomisar Arben Kalaja deri tani Shef i Policisë Kriminale në Komisariatin e Policisë Vorë transferohet dhe emërohet Shef i Komisariatit të Policisë Kukës;
Kryekomisar Vullnet Silaj deri tani Shef njësie në Repartin Special “RESI” Tiranë transferohet dhe emërohet Shef i Komisariatit të Policisë Gramsh;
Komisar Alfred Maksuti deri tani Shef i Komisariatit të Policisë Gramsh transferohet dhe emërohet Shef ë Seksionit të Rendit Publik në Komisariatin e Policisë Pogradec;
Kryekomisar Aldi Mema deri tani Shef i Seksionit të Policisë Kriminale në Komisariatin e Policisë Shijak transferohet dhe emërohet Shef i Komisariatit të Policisë Mat;
Kryekomisar Henerigert Mitri deri tani Shef i Komisariatit të Policisë Mat transferohet dhe emërohet Shef i Komisariatit të Policisë Fier;
Komisar Ermal Lilaj deri tani Specialist në Departamentin e Policisë Kriminale transferohet dhe emërohet Shef i Komisariatit të Policisë Peqin;
Komisar Bilal Semanaj deri tani Shef i Komisariatit të Policisë Peqin transferohet dhe emërohet Shef i Komisariatit të Policisë Cërrik;
Komisar Gazmend Demrozi deri tani Shef Seksioni për Shërbimet Policore ne DVP Berat transferohet dhe emërohet Shef i Komisariatit të Policisë Dibër;
Kryekomisar Alfred Cenaj deri tani Shef i Sektorit të Komandës dhe Kontrollit në DVP Durrës transferohet dhe emërohet Shef ë Komisariatit të Policisë Mirditë;
Kryekomisar Medin Hasani deri tani Shef i Komisariatit të Policisë Mirditë transferohet dhe emërohet Shef i Komisariatit të Policisë Skrapar;
Kryekomisar Sokrat Gode deri tani Shef i Komisariatit të Policisë Skrapar transferohet dhe emërohet Shef i Komisariatit të Policisë Kuçovë;
Kryekomisar Elidon Çela deri tani Specialist në Departamentin e Kufirit dhe Migracionit transferohet dhe emërohet Shef i Komisariatit të Policisë Tepelenë;
Kryekomisar Petrit Gjokaza deri tani Specialist në Departamentin e Policisë Kriminale transferohet dhe emërohet Shef i Komisariatit të Policisë Përmet.
Ndrshime në Policinë e Shtetit janë bërë dhe gjatë javës kaluar, ku u shkarkua nga detyra shefi i komisariatit të Shkodrës Vasil Çela dhe në vend të tij u emërua Lorenc Meta. (Lexo këtu) Ndërkohë që ditën e ekzekutimit të dy vëllezërve Bilali, u shkarkua nga detyra edhe drejtori i Policisë së Shkodrës Vehbi Bushati, i cili u zëvendësua nga Niko Brahimi.
