Drejtori i Përgjithshëm i Policisë së Shtetit Ardi Veliu ka inspektuar shërbimet e Policisë në sheshin “Skënderbej” ku ka theksuar se në të gjithë vendin ndërrimi i viteve ka kaluar pa probleme. Ai tha se në të gjitha sheshet janë hedhur fishekëzjarre në mënyrë të organizuar dhe se si rezultat i masave të marra pothuaj është zeruar hedhja e kapsollave.
“Numri i personave që kanë përdorur fishekzjarre ka qenë i limituar, për të mos thënë fare. Në Tiranë mbi 700 punonjës policie dhe në Shqipëri i kalon 2500 punonjës policie që sot kanë qenë me shërbim. Falenderoj punonjësit e policisë që kanë sakrifikuar nga familja dhe po kryejnë shërbimin për sigurimin e rendit”, u shpreh Veliu.
Në të gjithë vendin si rezultat i hedhjes së fishekëzjarreve janë lënduar lehtë pa probleme për jetën dy shtetas, një shtetas në Tiranë dhe një shtetas në Korçë.
