Një zyrtare e Bashkisë së Tiranës është paraqitur sot në SPAK. Bëhet fjalë për Drejtoreshën e Përgjithshme të Planifikimit dhe Zhvillimit të Territorit në Bashkinë e Tiranës Frida Pashako e cila është paraqitur në SPAK. Pashako do të pyetet për një çështje nën hetim.
Kujtojmë se, javën e shkuar u paraqit në SPAK ish-drejtoresha e ARRSH, Sonila Qato, pasi Prokuroria i komunikoi akuzën “shpërdorim detyre” për aksin Kardhiq Delvinë. Ish drejtoresha e ARRSH ka qenë në hetim për “shpërdorim detyre” pas një kallëzimi nga një kompani ndërtimi për pabarazi në tendera.
Pas auditimit të tenderit, KLSH kërkoi hetim të thelluar penal ndaj zonjës Qato duke e akuzuar se ka skualifikuar pa të drejtë ofertën më të ulët, atë të paraqitur nga kompania “Gjoka Konstruksion”.
