Dy persona kanë rënë në prangat e Policisë së Korçës pasi kanë qenë pjesë e një aksidenti automobilistik.
Janë arrestuar shtetasit A.L., 65 vjeç i cili drejtonte makinën në gjendje të dehur dhe J.N., 40 vjeç i cili u kap duke drejtuar mjetin pa leje drejtimi.
Njoftimi i policisë:
Korçë
Specialistët e Sektorit për Policinë Rrugore, bënë arrestimin në flagrancë të shtetasve:
A.L., 65 vjeç, banues në Korçë, pasi në rrugën Boboshticë-Korçë, ky shtetas duke drejtuar në gjendje të dehur mjetin tip “Nissan”, dyshohet se ka humbur kontrollin dhe për pasojë ka dalë nga rruga.
J.N., 40 vjeç, banues në fshatin Drenovë, Korçë, pasi në rrugën Korçë-Boboshticë, pranë vendit të quajtur “Zape”, ky shtetas u kap duke drejtuar pa leje drejtimi, mjetin tip “Opel”.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
