Sot 25 Nëntor është Dita Ndërkombëtare kundër Dhunës ndaj Gruas.
Në Itali ashtu si dhe në të gjithë botën, përfaqësues të shoqërisë civile , organizatave të grave por dhe personalite të larta të qeverisë e politikës zhvillojnë manifestime, takime e seminare sensibilizuese për t’i thënë Jo dhunës ndaj gruas.
Sipas EURES, Instituti europian i studimeve ekonomike e sociale përgjatë 10 muajve të parë të 2017 në Itali, 114 gra kanë mbetur viktima nga dhuna në familje, viktima të bashkëshortit, të fejuarit apo të dashurit të tyre.
Një masakër e vëtetë. Në çdo 3 ditë një grua e vrarë. Një rritje e këtij fenomeni me 5.6 % në krahasim me 2016.
Në Itali 40 % e grave viktima të dhunës në familje, janë të nënshtetësisë së huaj. E mjaft prej tyre janë gra emigrante shqiptare, të masakruara për vdekje nga bashkëshorti.
Migena
Migena Këllezi është viktima e fundit shqiptare e kronikës së zezë së dhunës ndaj gruas.
37 vjeçe e nënë e një djali 8 vjeçar u godit për vdekje me thikë nga bashkëshorti i saj me të cilin kishte nisur praktikën e divorcit. Ngjarja ndodhi në Gorica në Frulli Venecia Giulia, ku Migena së bashku me bashkëshortin vrasës, Dritanin ishin vendosur prej vitesh për një jetë më të mirë për ta e për fëmijën e tyre.
Diana
Mosmarrëveshjet për arsye xhelozie e vendimi për t’i dhënë fund martesës kanë qënë arsyet që kanë çuar emigrantin shqiptar Muhamed Vrapi 62 vjeç të godas 15 herë me thikë deri në vdekje bashkëshorten e tij Diana Vrapi 52 vjeç
Cifti Vrapi ishin të martuar prej 25 vitesh, prindër të 3 fëmijve të rritur Brigel, Elona e Steven. Banonin në Busto Arsizio në provincën e Varezës.
I marrë në pyetje nga hetuesia italiane Muhamed Vrapi ka rrëfyer motivin e këtij krimi makabër. Sipas tij prej disa kohësh bashkëshortja Diana Vrapi ishte xheloze pasi ai kalonte shumë kohë në chat duke komunikuar me një miken e tij të vjetër e cila jeton aktualisht në SHBA.
Tre ditë më parë Diana Vrapi kishte braktisur banesën bashkëshortore duke u strehuar tek e motra e saj me vendimin për t’i dhënë fund martesës.
Pashkë
Pashkë Babaj 67 vjeç ka mbetur viktimë nga bashkëshorti i saj Paulin Babaj 71 vjeç, e cili e ka goditur disa herë me thikë.
Ngjarja ka ndodhur rreth mesditës në komunën e Caramagna Piemonte në provincën e Cuneo, në rajonin e Piemotes. Cifti shqiptar jetonte në Itali prej vitit 1991 e kishte 3 fëmijë të rritur.
Pranë viktimës policia italiane ka gjetur një shkop të gjakosur, i pëdorur fillimisht për dhunimin fizik të gruas e cila më pas është goditur ne trup disa herë me thikë.
http://www.oranews.tv/article/diana-migena-pashke-grate-shqiptare-viktima-te-dhunes-ne-familje
