Ish-ministri Tritan Shehu ka folur sot me tone të ashpra dhe i është kthyer publikisht Eugena Tominit për vaksinat.
Shehu e ka konsideruar papërgjegjshmëri totale dozën e tretë me Sinovax.
“Nuk jam dakord me këto që thatë ju. Nuk duhet të ndjekim axhendën e OBSH-së. Duhet të ndiqni axhendën e Brukselit. OBSH-ja është për Afrikën. Duhet të krahasohemi me vendet europiane. Axhenda jonë është europiane, që thotë se brenda vitit duhet të arrihet 90% e vaksinimit të popullsisë me dy doza. Këtu duhet të synojmë ne. As me të OBSH-së nuk jeni. Mesatarja e botës është 49%. Ju e dhatë 30%, po jua jap 40% e ca. Jemi nën mesataren botërore të Azisë, etj. Targetin e keni të gabuar. Pse është më mirë se ne Kosova në infektim, vdekshmëri? Pse nuk përdor vaksinë të pamiratuar nga EMA? Nuk e besoj se është më e fuqishme se ne. Ne kemi bërë sallatë ruse vaksinash. Jemi futur në një konfuzion total me këto vaksina. Nuk ka po pati kështu ose ashtu. Ka protokole. Nuk ka po pati, po s’pati.
SINOVAXI duhet të hiqet nga qarkullimi. Hungaria bëri gabimin e parë. BE-ja sia ka dhënë dritën jeshile. Vendimi nuk u dha.
Doza e tretë SINOVAX është papërgjegjshmëria më e madhe në botë, nuk do ta merrja kurrë një sugjerim. Doza e tretë ruse dhe kineze të bëhen me Pfizer se kombinohen dhe nga ana teknologjike, e sugjerojnë dhe amerikanët. Jo të vazhdojmë me dozën e trëtë SINOVAX nuk e prisja nga ju sot, ua them kështu rrumbullak, është papërgjegjshmëri totale.”, tha Shehu.
