Deputeti i Partisë së Lirisë, Petrit Vasili, është shprehur se çështja në lidhje me Ilir Metën ku thuhet se ka qenë bashkëpunëtor i sigurimit të shtetit po bëhet për të mbuluar aferën e inceneratorëve.
Në një intervistë për Ora News, Vasili tha se afera është e frikshme ndërsa nuk ka asnjë lëvizje nga SPAK.
Petrit Vasili: Çështja që po diskutohet për Metën është për të mbuluar aferën e incineratorëve.
Inceneratorët janë me një dëm ekonomik, minimum 1500 apo 2 mijë herë më shumë se sa tenderi i kanalit të Lushnjes. Nuk kemi ende asnjë të dënuar. Rrethi i atyre të cilëve janë ndaluar është bërë në funksion për të shpërqendruar vëmendjen e ditës.
Për aferën e inceneratorëve paguhen miliona, por nuk ka asnjë incineratorë. Është një aferë e frikshme dhe SPAK nuk ka asgjë të paqartë. Nuk ka pasur pse të lodhet pasi ka pasur dokumente i ka në tavolinë. Në kushtet e kapjes nga Rilindja, SPAK gjen kohë që të dënojë 18 persona, por një aferë mijëra herë më e madhe rri atje.
Sipas tij drejtësia është vënë kundra populli dhe në krah të hajdutëve të qeverisë.
Petrit Vasili: SPAK është inekzistent. Drejtësia është vënë kundra popullit dhe në krah të hajdutëve, horrave, maskarenjve të qeverisë që grabisin vendin pa bërë as minimumin e punës. Në këtë deregje nuk kishim Prokurorinë e Krimeve të Rënda.
Vasili teksa ka folur për incineratorin e Tiranës, tha se drejtësia nuk funksionon pasi është kapur nga Kryeministri Edi Rama. Ndër të tjera tha se Kryebashkiaku Erion Veliaj është i mbaruar dhe se mbahet nga Rama.
Petrit Vasili: Drejtësia është rrëmbyer, ku autori për kapjen dhe rrënimin e drejtësisë është Edi Rama. Ku ka Erion Veliaj pa Edi Ramën. Veliaj është i mbaruar, është një llafazan, palaço i pushtetit. Koka është Edi Rama.
