Duket se më nuk ka asnjë shpresë sa i përket raportit Donald-Trixa që jashtë shtëpisë së “Big Brother VIP” nuk zgjati as 48 orë.
Aktori ndoqi veprimin e këngëtares e cila para disa ditësh e hoqi nga rrjetet sociale duke mos e ndjekur më në Instagram.
Jo vetëm kaq. Teksa është jashtë shtetit me vëllain Romeon, Donaldi e ka ‘spastruar’ Instagramin e tij nga shumica dërrmuese e postimeve me Trixën të cilat ishin hedhur nga Romeo përgjatë kohës që ai ishte në shtëpinë e “Big Brother VIP”.
Mungon projekti, dedikimi pas eliminimit dhe të tjera momente simpatike.
Mirëpo, në këtë mënyrë nuk ka vepruar me postimet që ndërlidhen me Borën. Video e takimit të famshëm që theu rekorde audience është ende aty, e paprekur.
Aktori e ka parë të udhës që të ‘zhdukë’ vetëm gjurmët me Beatrix.
