Pensilvania dhe Nevada janë 2 shtetet e radhës që konfirmojnë fitoren e Joe Biden në zgjedhjet presidenciale të 3 nëntorit.
Sipas asaj që raportojnë mediat amerikane, nga rinumërimi i votave rezultoi se shumicën e tyre e ka marrë kandidati demokrat, duke hedhur në këtë mënyrë poshtë pretendimet e ngritura nga Donald Trump për manipulim rezultati në këto dy shtete.
Certifikimi i fitores së Biden në të dy shtetet erdhi vetëm pak orë pasi Miçigani vërtetoi se ai që kishte fituar zgjedhjet në këtë shtet ishte kandidati demokrat.
Ndërkohë, presidenti në detyrë deri në janar, Trump i ka ndezur dritën jeshile administratës së tij për të lëshuar ambientet e Shtëpisë së Bardhë.
Megjithatë ka pranuar se do e ndjek ende betejën ligjore për zgjedhjet presidenciale të 3 nëntorit në SHBA.
