Ambasadori i SHBA, Donald Lu është shprehur sot se Shqipëria dominohet nga 4 klane kriminale.
I pranishëm në aktivitetin e organizuar me rastin e 20-vjetorit të Shkollës së Magjistraturës, Lu theksoi me forcë se ka ardhur koha që qeveria t’i shpallë luftë krimit
“Vettingu fillon javën që vjen. Shqiptarët duhet të jenë krenarë që larguan kriminelët nga Parlamenti. Ky institucion në 2017 është më i mirë se i vitit 2013. Lufta kundër krimit të organizuar, derisa peshqit e mëdhenj të futen në burg kanabis do të ketë sërish. Katër klane kryesore drejtojnë 20 familje kriminale shqiptare, që dominojnë aktivitetet kriminale.
Emiljano Shullazi është një nga këta kriminelë, Lulzim Berisha, i cili u lirua gabimisht, Klement Balili i shpëtoi drejtësisë për 18 muaj. Ka shumë Shullazë, Lul Berisha e Klement Balilë në Shqipëri. Këta meritojnë të jenë në burg. Në vitin 2016, 1940 personave u arrestuan, por më pak se 100 u dënuan te Krimet e Rënda. Zero dënimi, zero arrestimi për peshqit e mëdhenj. Kjo situatë ishte edhe në SHBA me “Alkaponen”, por Task Forca me policinë e prokurorinë punuan së bashku. S’ka për të qenë e lehtë, me gjasë do jetë luftë e egër. Në 2016, pati 72 bomba në makina si pjesë e luftës së grupeve mafioze. Besojmë se është koha që qeveria t’i shpallë luftë krimit të organizuar. Ushtarët më të rëndësishëm të kësaj lufte do jenë të diplomuarit e Magjistraturës”, tha Lu.
