Ipeshkvi i Mirditës, Dom Gjergj Meta ka uruar të gjithë besimtarëve katolikë festën e Pashkëve.
Përmes një video urimi, Dom Gjergj Meta theksuar se Pashkët do të jetë ndryshe, jo vetëm për Shqipërinë, por për gjithë botën, kjo si pasojë e koronavirusit.
Ipeshkvi tha se mesha për Pashkët do të mbahet pa besimtarë. Ajo do të transmetohet në disa televizione në mënyrë që ata të kenë mundësi ta dëgjojnë nga shtëpitë e tyre, dhe të luten pikërisht nga aty.
“Do kishim dashur që këtë Pashkë ta kishim festuar në një mënyrë tjetër, duke ardhur në kishë duke u kthyer pastaj në familjet tona. Të këmbenim vizitat njëri tjetrit për shumë arsye kjo është e pamundur. Për shkak të situatës që ne po kalojmë. Të dashur vëllezër dhe motra dëshiroj të vij tek familjet e juaja dhe tek zemrat e juaja, këtu në dioqezën e Rrëshenit ju them të gjithëve Gëzuar Pashkët. Ju uroj dhe ju ftoj që mëngjesin e Pashkës, kur të zgjoheni dhe kur uleni të gjithë përreth tryezës të urojmë njëri tjetrin”, shprehet Ipeshkvi i Mirditës, Dom Gjergj Meta.
https://www.facebook.com/KatedraljaRreshenit/videos/217762715984752/
