Detaje nga jeta Aleksandër Stavre Drenova poetit, publicistit, patriotit shqiptar, autor i Himnit të Flamurit
Aleksandër Stavre Drenova është një ndër figurat më të spikatura të historisë së kombit tonë. Drenovari i shquar ka mërguar në rininë e hershme në Rumani atje ku mori pjesë në përpjekjet e komunitetit të shqiptarëve të Bukureshtit në luftën për çlirimin kombëtar.
Krijimet e para poetike, përmblidhen në librin “Rreze dielli” i botuar në vitin 1904. Krahas një sërë veprash shumë të rëndësishme, ndër ato më të rëndësishmet është, “Ëndrra e lotë” e botuar në vitin 1912 por Asdreni është autor i himnit tonë kombëtarë, është njeriu i flamurit.
Pasaporta e Asdrenit, gjendet në arkivën e shtetit dhe atje shihen vulat vendeve ku ka udhëtuar, ku spikat më së shumti udhëtimi në Rumani. Detaje interesante të kësaj pjesë të rëndësishme të jetës së tij, udhëtimet, vijnë përmes dokumenteve të marra nga arkiva e shtetit, shoqëruar edhe me një rregullore të shtetit shqiptar të viteve 1937-1940, që përcaktonte mbajtjen e pasaportës për shtetasit shqiptar.
