Kryetari i Bashkisë së Kavajës, Elvis Rroshi vijon ende që të jetë në detyrë edhe pas vendimit të Kryeministrit Rama për shkarkimin e tij. Mos largimin e tij nga kreu i Bashkisë Kavajë e vërteton një dokument i publikuar nga ish-kryeministri Sali Berisha, ku shihet qartë që Rroshi i shkruan si kryetar bashkie një letër kryetarit të KQZ, Denar Biba.
Ish-kryeministri Berisha ka publikuar sot dokumentin, përmes së cilit mësohet se Rroshi drejton ende Bashkinë e Kavajës. Rroshi ka paditur vendimin e shkakrimit në Gjykatën Kushtetuese, duke pretenduar se pret vendimin e saj për të vijuar ose lënë detyrën.
Ja çfarë shkruan Berisha teksa publikon letrën.
Një dokument nga Banditistani!
Kryebanditi mashtron shqiptarët se ai ka shkarkuar si kryetar bashkie përdhunuesin, njeriun me pesë emra, trafikantin Elvis Rroshi!
Por dokumenti i datës 20.2.2017 me firma dhe vula dëshmon dhe e nxjerr cullak Ramën ashtu siç; është mashtrues ordiner dhe i paskrupull që përdor postin për të mashtruar qytetarët! sb
