Nexhmija fashiste me komunistin Enver, e drejtuan Shqipërinë për 50 vjet me radhë nën një diktaturë të pashembullt.
Një dokument mjaft i rëndësishëm është publikuar nga studiuesi Kastriot Dervishi, është dokumenti i të vejës së diktatorit Hoxha, Nexhmije Hoxha. Ishte koha, kur ajo e kishte emrin Nexhimje Xhuglini dhe ishte anëtare e Partisë Fashiste. Bëhet fjalë për një dokument anëtarësimi të datës 10 nëntor 1941, vetëm dy ditë pasi ishte themeluar Partia Komuniste e Shqipërisë, ku u zgjodh në krye Enver Hoxha. Ai e drejtoi këtë parti dhe Shqipërinë përmes një diktature të egër 50-vjeçare, ku pjesë e rëndësishme e kësaj dhune të pashembullt pati edhe fashistja Nexhmije.
“Meqë tani jemi në prag të 29 nëntorit “të lavdishëm”, për të gjithë antifashistët e vërtetë apo falsë, po postoj për njohje e ndërgjegjësim dokumentin e regjistrimit në Partinë Fashiste të zonjushës Nexhmije Xhuglinit. Ky dokument është i datës 10.11.1941. Dokumentin e kam publikuar në librin tim “Historia e lëvizjes komuniste në vitet 1924-1944 dhe formimi i PKSH-së”. Dokumenti në fjalë si dhe disa të tjera rreth saj, ruheshin nga Enver Hoxha”, shkruan Dervishi.
